مسحات الكورونا مبقاش ليها لازمه
المسحات دلوقتي ملهاش لزمه ... المرض في كل حته ... اي حد يجيله برد او سخونيه شديده او تكسير عظم و فقدان لحاسه الشم والتذوق يعتبر نفسه كورونا خلاص معدتش محتاجه مسحه ولا غيره ...
عند الاحساس بهذه الأعراض يجب عزل نفسك ١٤ يوم عزل تام في غرفة منفصلة في بيتك ولا تشارك اي أدوات وخصوصا أواني الطعام والالتزام بلبس كمامه طول الوقت علشان تحد من خروج الفيرس من صدرك للهوا اللي حواليك
عقم كل حاجة هتلمسها في طريقك وانت طالع من غرفتك للحمام ويفضل تقعد في اوضه بحمام لوحدك لو متوفر وعند عدم توفر حمام لحالك البس الكمامه
حافظ علي مسافة متر ونص بينك وبين اي حد من أهلك هتضطر تتعامل معاه
💦احرص علي شرب كمية سوائل كتير
هتاخد بنادول او سيتال قرصين كل ٦ ساعات
وزيثروماكس ٥٠٠ مجم لمده ٥ ايام
عارف انه مرض فيروسي لكن الزيثروماكس اساسي في معظم بروتوكولات العلاج
زنك جلوكونات ٧٦ مجم مرة يوميا ( مهم جدا لانه بيوقف تضاعف الفيروس)
فيتامين سي قرصين يوميا
المسحه ايجابيه في ٦٠ في الميه من الحالات الايجابيه يعني ممكن يكون عندك وتطلع المسحه سلبي برضو ...
اهم حاجه دلوقتي الكمامه هي اللي هتحمي الاخرين منك وهتحميك من الاخرين ...
متروحش تجيب الادويه تخزنها استني لما تتعب وتحتاجها وابقي اشتريها علشان متتسحبش من السوق واللي محتاجها يلاقيها ..
محدش يروح مستشفيات الا اللي عنده ضيق تنفس ومحتاج اكسجين ... لو رحت مش هيعملولك حاجه غير هيدوك نفس العلاج ويروحوك برضو وممكن وانت رايح ووانت جاي تلقط عدوي تانيه وترجع بحاجه اشد ....
لو احتجت اكسجين لان نفسك ضيق يبقي امرك لله روح المستشفي وهمه هناك هيهتموا بالحاله لانها بقت تستاهل ... غير كده متضيعش وقتك واقعد في بيتك واعزل نفسك وخد ادويتك والبس كمامتك ...
ربنا الشافي المعافي ... اللهم انصرنا ونجنا من المرض اجمعين ..
تعليقات
إرسال تعليق